Ola infografistas!Despois de ver a película Más extraño que la ficción, intentamos establecer as funcións que no filme podía desempeñar a infografía ou, polo menos, con que obxectivo ou intención se incorporaban. A verdade é que nos resultou algo difícil chegar a unha conclusión pero como xa tedes falado algúns de vós, pensamos que hai unha relación directa entre ese uso infográfico detallando o número de veces que cepilla os dentes, os segundos que faltan para chegar ao bus... e o control que o protagonista ten sobre a súa vida (e, por extensión, sobre os datos desta).
Así pois, a idea que pensamos que se intenta transmitir é o uso da infografía para unha maior precisión e exactitude nos datos. Se vos fixades, a medida que Harold vai deixando de ter tan controlada a súa vida e as súas accións, o uso de infográficos tamén vai sendo menor. Non sabemos se estades dacordo con isto: ¿vós pensades que se usa a infografía con algunha outra intención?
De tódolos xeitos, gustaríanos destacar o novidoso da infografía incorporada aos filmes. Ata o momento sabiamos que se facía en papel, en multimedia e en televisión, pero que chegase ao mundo cinematográfico, é algo totalmente novo e, á vez, moi esperanzador con respecto ao uso dos infográficos.
2 comentarios:
Ola chicas!!
Nós tamén chegamos á conclusión de que a medida que a súa vida vai deixando de ser tan cuadriculada, matemática, organizada e vai rompendo coa rutina e a monotonía os infográficos van desaparecendo.
A infografía conforma, penso, outro relato que sí é significativo mentres o protagonista non muda ante o que lle está a pasar. O singular é que ten sentido, aporta e completa os distintos relatos que aparecen na película.
Hai un anuncio dun coche, penso que é de wolswagen, no que se fai uso da infografía, estructurada como na película.
marotlo
Publicar un comentario